شہباز شریف اپنی بھابھی کی میت لانے کے لئے لندن پہنچ گئے

0
12
shahbaz-sharif-land-london

لاہور(پاکستان ٹوئنٹی فورسیون نیوز) مسلم لیگ (ن) کے صدر شہباز شریف اپنی بھابھی کلثوم نواز کی میت وطن واپس لانے کے لیے لندن پہنچ گئے۔

تفصیل کے مطابق مسلم لیگ (ن) کے صدر شہباز شریف اپنی بھابھی کلثوم نواز کی میت وطن واپس لانے کے لیے لاہور سے قومی ایئر لائن کی پرواز پی کے 758 کے ذریعے لندن پہنچے۔بیگم کلثوم نواز کی نماز جنازہ آج ریجنٹ پارک کی مسجد میں ادا کی جائےگی جس کے بعد جمعہ کے روز شہباز شریف کلثوم نواز کی میت کے ہمراہ لاہور واپس پہنچیں گے جہاں ان کی نماز جنازہ شریف میڈیکل سٹی جاتی امرا میں شام 5 بجے ہوگی۔خاندانی ذرائع کے مطابق لاہور میں مرحومہ کی نماز جنازہ مولانا طارق جمیل پڑھائیں گے جب کہ بیگم کلثوم نواز کو سسر میاں شریف کے پہلو میں سپردخاک کیا جائے گا۔

دوسری جانب سابق وزیراعظم نواز شریف، ان کی صاحبزادی مریم نواز اور داماد کیپٹن (ر) صفدر کو اڈیالہ جیل سے پیرول پر رہا کر دیا گیا ہے، تینوں کو خصوصی طیارے سے لاہور جاتی امرا پہنچایا گیا جب کہ ان کی رہائش گاہ کو سب جیل قرار دیا گیا ہے۔کلثوم نواز کے دونوں بیٹے حسین اور حسن نواز اپنی والدہ کی تدفین میں شرکت نہیں کرسکیں گے، عدالتوں سے اشتہاری قرار دئیے جانے کے پیش نظر شریف خاندان کی جانب سے فیصلہ کیا گیا ہے، وہ جمعرات کو لندن میں اپنی والدہ کی نماز جنازہ میں شرکت کے بعد میت کو شہباز شریف کی ہمراہ لاہور روانہ کر دیں گے۔

LEAVE A REPLY

Please enter your comment!
Please enter your name here