سعودی ولی عہد محمد بن سلمان 16 فروری کو پاکستان آ رہے ہیں

0
122
saudi wali ahad mohammed bin salman

اسلام آباد(پاکستان247نیوز)سعودی ولی عہد محمد بن سلمان بین الاقوامی سرمایہ کاری کانفرنس میں شرکت کے لئے 16 فروری کو پاکستان پہنچیں گے۔

نجی ٹی وی چینل کے مطابق سعودی ولی عہد محمد بن سلمان 16 فروری کو پاکستان کا دورہ کریں گےاور پاکستان میں منعقدہ 2 روزہ بین الاقوامی سرمایہ کاری کانفرنس میں شرکت کریں گے، کانفرنس کے لئے مقامی ہوٹل بھی بک کرالیا گیا ہے۔ سعودی ولی عہد پاکستان کے بعد ملائشیا جائیں گے اور اس کے بعد چین اور بھارت کا بھی دورہ کریں گے۔

ذرائع کے مطابق سعودی ولی عہد شہزادہ محمد بن سلمان پاکستان کی تاریخ میں بڑی سرمایہ کاری کا اعلان بھی کریں گے۔ ان کے دورے میں پاکستان اور سعودی عرب کے دوران 14 ارب ڈالر کے معاہدوں کا بھی امکان ہے۔ دورہ کے دوران سعودی ولی عہد شہزادہ محمد بن سلمان پاکستانی قوم سے خطاب بھی کریں گے۔سعودی ولی عہد کے دورہ پاکستان میں دونوں ممالک کے درمیان آئل ریفائنری سمیت اربوں ڈالرز کے معاہدے ہوں گے، معاہدوں کے لیے اصولی طور پر منظوری ہو چکی ہے، وزیر اعظم کے دورہ سعودی عرب کے دوران ان معاہدوں سے متعلق معاملات طے ہوئے تھے۔

ذرائع کا کہنا ہے کہ سعودی عرب گوادر میں آئل ریفائنری لگانے کے لیے رضا مندی ظاہر کر چکا ہے، اور پاکستان میں ای ڈاٹ موبائل کمپنی سے مل کر ایک ارب ڈالر کی سرمایہ کاری کرنے پر آمادہ ہے۔

LEAVE A REPLY

Please enter your comment!
Please enter your name here